Лучше края чем Ахвах не найти на свете

Главная  »  История школы

История школы

 Росдал школа.

 

   Росулъ школалъе мина базе байбихьун буго 1936 соналъ .Бан раг1алде бахъун буго 1937 соналъ.Т1оцересел муг1алимзабилъун рук1ун руго Саг1итов Г1абдула гьевго вук1ун вуго т1оцевесев школалъул заведущилъунги, ХъазановХ1адис,Г1ашикъмух1амад,гьединго рук1ун руго г1урусазул шагьараздасан рит1ун рач1арал ясалги Любовь Дмитриевна ,Вера Рожкова абун.Гьединго школалда г1езег1ан мехалъ дарсал кьун руго Имах1ова Асиятица .Доб мехалъ рук1арал муг1алимзабигун бахъараб суратги буго гьелъул. Школалъе директорлъи гьабураздасан рук1ун ругоТ1адмагъилъа Зайнулг1абидовЗубаир, Г1умаров Г1абдурах1ман,Давудова Х1абибат,Исрапилов Садикъ,Имах1ажиев Тузила,Расулов Мух1амад,Г1анчихъа Гъалбац1дибиров Мух1амад,Бадрудинов Тажудин. Нижер росулъа Шамилов Хъехъала вук1ун вуго муг1алимлъун Изано,Т1адмагъилъ,Гьимерсов. Гьев вук1ун вуго г1араб г1елму ц1аларав г1алимчиги .Г1асаб росулъ дибирлъунги вук1ун вуго .Чанго бат1ияб х1алт1иги гьабун буго гьес .Къурамух1амад наиблъун вугеб мехалъ гьесул секретарьлъун.Гьединго секретарьлъун вук1ун вуго Райисполкомалъул,К1арат1а сельисполкомалъул.Гьединго г1араб г1елму ц1аларал г1алимзаби рук1ун руго Параев Г1умардибир,Гьесулго вац Салих1илав,Бакъох1ажиев Аюбх1ажи.Гьездасан церехун рук1арал г1алимзаби щал рук1аралали лъалеб гьеч1о цох1ого-цо Зоно к1к1алахъ шагьидлъарав Г1ашикъмух1амадги гьесул вас Ибнух1ажарги гурони. Г1ашикъмух1амад шагьидлъун холаго аск1ов вук1ун вуго гьит1инав г1олохъанчи Ибнух1ажарги жиндихъго бук1араб ханжарги кьун нахъ вусун росулъе аян абун буго.Гьаб рагъулъ нилъее бергьенлъи щвеларо ,диеги Аллагьасул къадар г1агарлъун буго.Мунг1аги ч1аго хут1изе вук1ине гьаниса нахъе аян абун нахъе вит1ун вуго Г1ащикъмух1амадица Ибнух1ажар.Ибнух1ажарил рук1арал т1ахьал абуни Лологъонилъа гьесул г1агаравчиясухъе кьун руго Г1умардибирас досул васият бук1анин жиндир наслуялда жанив вахъарав ц1аларав чиясухъе кьеян абун.Ибнух1ажарил эмен Г1ашикъмух1амад ц1алулев вук1ун вуго  имам Шамилида цадахъГьарак1уни росулъ .Шамиль Г1ахьвахъе швараб мехалъ Г1ашикъ мух1амадил  эмен  Царакг1алихъе решт1унев вук1ун вуго.Гьанжеги к1удиял чаг1аца бицуна дунялалда  120 сон барав Хазумил Г1алица бицунаанила имам Шамильги гьесда цадахъ рук1арал муридзабиги нуха рег1изе гьезда цеве-цеве рек1ун хъах1аб кьералъул чодагун унев Царакг1али жинда  лъимерлъиялъул г1уждаго вихьарав рак1алдасаг1аги унарилан.Нижер росу ахада бугеб Т1окъощил ицин абулеб къулг1адухъ лъимги гьекъон,ц1акъ т1аг1амаб лъим бук1ун бугоха Г1али(Царакг1алида къокъ гьабун гьедин абулеб бук1ун буго) нужор гьаб лъим моччролъа бачараб батизе буго-ян абунросдада данд бит1араб миг1ада абураб бак1алдаса т1аде Т1елекьехун нуха рег1ун вуго.Зоноб гъазават ккараб мехалъ,лъукъарав инсуца Ибнух1ажарасде абун буго гьаб рагъда нилъ къуна диеги аллагьасул къадар щвезехъин буго ма  гьаб дихъ бугеб  ханжарги босе мунги эхеде росулъе аян абун нахъе вит1ун вуго.Г1ащикъмух1амад вукъун вуго к1удияб росдал хобалалъ.Гьесул къаданибги ч1ван буго т1ад накъищаз къач1араб берцинаб зани.Зонодаги гьабун буго гьадинаб маг1наялъул хъвай- хъваг1ай гьанив жанив вуго Жив к1иябго х1арамалде щварав к1удияв г1алимчи гьижрияб 1294 соналъул шавал моц1алъалъ мигъишто абураб бак1алда шагьидлъарав гъази абун. Х1ежалде араб мехалъ Ах1мад Талалиясухъе зияраталъе инзе ч1арал  г1адамазул халатаб мухъ бук1ун буго  гьенивго Ибнух1ажарги ч1ч1ун вуго.Цо замаялъ рокъоса жанисан ах1ун бач1ун буго Дагъистаналдаса Ибнух1ажар жаниве вач1а абун,гьелдаса нилъее бихьулеб буго киг1ан гьесул къимат гьабулеб бук1арабали.Цогиги нухалъ Болъихъ мажгиталде как базе щварав Ибнух1ажар,цо бок1нилъги к1усун  гьенив жанив къуръан ц1алулев ватарасухъ г1енеккун вук1ун вуго.Зама-заманалда цо жоялда рази гьеч1ев чияс г1адин бет1ер хьваг1езабулеб бук1ун буго.Мажгиталда рук1аразул цояс абун буго сунда мун рази гьеч1ого вугев щай бет1ер хьваг1изабулеб абун .Гьасги жаваб кьун буго къуръан гъалат1 гьеч1ого берцинго ц1ализе кколин абун,пуланабги,пуланабги аяталда ругел калимаби гъалат1 биччан ц1алулел ругилан.гьелдасанги бич1ч1улеб буго къуръаналъеги гьев лебалав вук1ин.Цогиги к1удиял чаг1аца бицуна гьес боц1уда т1ил кьабич1иланги.Оцаз рекьи гьабулеб мехалъ цин жиндирго оцалъул рач1 хьваг1ун гурони цадахъ оцазда кьабизе т1ил босулароанилан.Устарлъи гьабизе щвараб изну  г1адамазда т1атизе биччач1ого 25 соналъ балъго ц1унун бук1ун буго.

 

персональныеданные.дети

Новое